احتياج المشاعر

كتبت دينا عسكر

‏الاحتياج كلمة تقيله جدا على لسان اللي بيقولها وخفيفه على أذن اللي بيسمعها

كلنا عندنا احتياجات مختلفة بتشكل حياتنا والعواطف بتلعب دور مهم في تلبية الاحتياجات دي ،كل الحاجات المادية تتعوض لكن أي إحساس عاطفي مبيتعوضش أي حاجة مش ملكنا دلوقتي ممكن نعوضها بعدين زي اننا ممكن نشتري عربية أو بيت او لبس أي حاجة مع الوقت والصبر ممكن نحقها ونحصل عليها

حتى لوظروفك صعبه وارد أنها تتغير وتقدر تحقق ‏كل اللي اتمنيته إلا الاحتياج العاطفي
لو كنت محتاج لاحتواء ..لتفاهم ..لحب ..لصدق مشاعر شخص معين و ملقتهوش في وقت احتياجك

في حاجات معينة لو ملقتهاش في وقتها وجت في وقت غلط أو بعد ما لهفتنا ليها تنتهي بتبقي ماسخة مالهاش طعم ولا لازمة

واحتاجنا للمشاعر مش علامه أبدا إنك إنسان ضعيف وخصوصا في مجتمع بيفرض علينا في أوقات كتير إننا نخبي مشاعرنا ونمثل القوة والشجاعة في وقت أنت محتاج كل كلمة حلوة عشان تقويك وتقدر تكمل حياتك ‏

نصيحة مني ما تخدش أي قرار وانت في عز إحتياجك لأن غالبا بنسبة كبيرة حيكون قرارك غلط
‏حتكون عامل زي الشخص الجعان اللي مش قادر يستني الحاجة اللي بحبها وساعتها بيضطر ياكل أي حاجة قدامه وخلاص ‏عشان كده ما تدخلش في علاقة لمجرد إنك تشتكي من الوحدة وما تتجوزش لمجرد الظروف فرضته عليك وإنك لازم تتجوز من الآخر ما تقبلش حاجة أنت مش عايزها من الاحتياج فرضوا عليك ومتتكسفش تعبر عن مشاعرك وتقول الي أنت حاسس بية وتطلب الإهتمام من اللي قدامك لأنك تستحقه وتستحق كل كلمة حلوة تتقال في حقك.