العزلة مرحلة اننقاليه ووقت مستقطع استغله

كتب /أيمن بحر

كتير اتكلمنا عن العزلة

و الابتعاد عن العلاقات السامة

و قطع الاشخاص السلبيين من حياتنا

و الخروج من تحكم النرجسيين و السايكوباث

بس العزلة دي مش علشان نقعد في جنب ننعي حظنا و ان الدنيا وحشة

و من غير الآمن اننا نختلط

لأ طبعا

العزلة دي لمصلحتك انت

علشان تقدر تتعامل بكفاءة اكبر

لأن ببساطة

ماحدش هيقدر يسيطر عليك ويتحكم فيك

وانت بصحة روحية و نفسية و عقلية سليمة

و مافيش حاجة هتخدعك طول ما انت شفاف

ماحدش هيقدر يأثر فيك او عليك

وانت سيد نفسك

اللي بتقومها

و بتعالجها

و بتاخد بإيدين نفسك لتشافيها و زيادة وعيها

العزلة مش دروشة و ضعف و انكسار او انطوائية

و مرارة و حزن و كسرة قلب

العزلة مرحلة انتقالية

وقت مستقطع ليك

لنفسك انت لان لها حق عليك

انها تاخد وقتها و مساحتها زي ما بتعطي لكل شئ وقت و مساحة من كيانك كله ..