تفاصيل الوجبة المدرسية للطلاب

كتبت : بسمه جمال

من اول السنة الجديدة هتبدأ المدارس تقدم الوجبات دي لأكثر من 12 مليون طفل، الوجبات عبارة عن ايه؟..

متقسمة اربع انواع، وجبة المدارس اللي 50% من اطفالها بيعانوا من انيميا هتبقى عبارة عن: (لبن- بسكويت- جبنة- فواكه طازجة و مجففة “تين ومشمش مجفف”- وجبات مطهية بها حديد من مصدر حيواني)
والمدارس اللي نسبة الأنيميا فيها 20% وجبتها هتكون: (بسكويت محشو تمر- حلاوة – تين و مشمش مجفف)

والنوعين التانين للمدارس اللي 20% فيما فوق من اطفالها بيعانوا من السمنة وهتتكون من: (خبز شوفان- لبن- جبن ابيض- بقسماط بسمسم- بسكويت منخفض السعرات- فاكهة)

اما عن المدارس اللي بتضم 10% من اطفال بيعانوا من تقزم وجباتها هتبقى جافة عبارة عن: بسكويت ويفر- حمصية- فولية- سمسمية – مقرمشات بالسمسم)

“المهم في الموضوع ده جودة الطعام اكتر من نوعية الطعام نفسه وان البسكويت اللي كان بيتوزع مش حلو”، هتقول كدة صح؟ خليني اقولك ان المنظومة الغذائية دي هيتم تصنيعها في “سايلو فودز” المدينة الغذائية الجديدة يعني جودة الوجبات امر منتهي..

الجميل اكتر واكتر في الموضوع انه اتعمله آلية منظمة عشان يحقق النتايج المطلوبة منه وده عن طريق ان كل طفل هيبقى معاه ID مكتوب فيه جميع المعلومات عنه (اسمه- جنسه- تاريخ ميلاده- ارقام اولياء اموره- QR code فيه تاريخه الصحي) ومن خلال الكارت ده هيتم توزيع الوجبات على مختلف المدارس بطريقة منظمة وسليمة..

هو ده اللي الدولة عايزة تعمله وانت زعلان عشان مقابل ده هيقع زيادة عليك هي في الحقيقة لاتقارن بسعر الوجبة الواحدة لكل طفل اللي هو 7 جنيه ولا تقارن بتكلفة المشروع على الدولة واللي هي 8 مليار سنويا
مع انك بتفكير بسيط هتعرف ان حتى الزيادة القليلة دي الدولة مش وخداها وراجعة ليك في ولادك..