ونتحجر ونتخاصم ونتشاجر 

بقلم شاكر محمد المدهون

نقول كلام ملوش معنى ومتبعثر

ونتقدم ونتأخر ونتأخر

يصير الوضع صبياني

ونتأقلم بوضع جديد

ونتفاخر -مين سبق مين

مين أنجز ومين ساكت على الاخر

مين اللي يكتب الكلمة ومين يقرا

ومين صفق ومين زغرد

ومين عمل اللي مش ممكن

مين رجع أمانينا

مين سابق ليالينا

مين جاب الصبح الأغبر

ومين سبب الموت الحمر

مين القاتل والجاني

مين الحاني مين ضيع حلم بكرة

ومين شارك في القسمة

ومين صاحب البسمة

على شفاه الشهيد اللي كاتب

على بكرة مايتسكر

مين قايل لنجم الليل

تعال بكرة عشان نسهر