اهلا عام ٢٠٢٢

بقلم/نوال أمين حريقص

كل عام وانتوا سالمين
يا احبابي………….وخلاني
انشالله تكونوا مجبورين
الخاطر بالعام التاني

ياعام تنين وعشرين
اللي نام بحضن الالفين
دخلك عم ناكل بالدين
وزهقوا مناّ الديّاني/ ة

نطرناك وعمِّ نصلي
حتى نقبر هالقلي / ة
ويا نعمة الله تجلي
عليك بعقد ايماني

مر علينا العام وراح
وما دقنا طعم الأفراح
هم وغم ونزف جراح
الغربة زادت احزاني

نزف قلوب المحزونين
فجر بقلبي الحنين
والأطفال……. المحرومين
سهم بقلبي أدماني

بدي عيدكون مشتاق
زادت بقلبي الاشواق
ومن نبع الحب الرقراق
جايي تَ عبي قناني

وين الحب الخلى قلوب
من طعم المحبة تدوب
لاهدايا ولا رش طيوب
اللي بجيبي ما كفاني

تغير عندي طعم العيد
ماتت من قهرا مواعيد
القصة عم تكبر وتزيد
وما ب نعرف مين الجاني

انشالله عليكون رح ينعاد
ياللي معنا واللي بعاد
ونبني بالحب الأمجاد
ونملي هالعيد غناني

الشاعرة : نوال أمين حريقص
بلدي : سوريا حمص وادي النصارى