عاشقك أنا

بقلم /مسعد البحراوي

أيوا انتي لما بتضحكي
بترجعيني كام سنه
بتفكريني بقوتي
وترجعي لي بسمتي
بقوم واكمل سكتي
بحثاً عن الشوق والهنا
عاشقك أنا عاشقك أنا
بيمجدك شمس ونجوم
جوك مثير أنا له بصوم
أيواً بصوم له كل يوم
وسحوري زهرة سوسنه
عاشقك أنا عاشقك أنا
يابنت مش زي البنات
ولا جه مثالك في الحياة
ياللي ابتسامتك طوق نجاة
بتطمنيني على الضنا
‏عاشقك أنا عاشقك أنا
قسماً بنور المصطفىٰ
ماعرفت غير حضنك دفا
إنتي اللي وزعتي الوفا
على كل كلمه انا قولتها
مفتوحه أو متسكنه
عاشقك أنا عاشقك أنا
حبك حكايتي مع الزمان
خدني ورسمني في البيان
عصفور وساكن غصن بان
أمانيه معاكي ممكنه
عاشقك أنا عاشقك أنا
ياسلام على فجر الشتا
والنسمه تدن ع الفلاح
صورتك ياعمري الملفته
مابيحلى من غيرها الصباح
‏ولا غير هواكي كان المنى
‏عاشقك أنا عاشقك أنا
‏آ يابنت آيات السلام
‏ودي كلمه يآما ذكرتها
‏ضيك سراج وانتي الإمام
‏والجنه فيكي انا عشتها
‏اوتاري ماشبعت غُنى
‏عاشقك أنا عاشقك أنا
‏ بس انتى يالَّه اتحركي
‏هزي الأوام بالله أوام
‏وعليا بس اتفرجي
‏وانا بوهبك أجمل مقام
‏بالله عليكي لتضحكي
‏ورجعي لي كام سنه
‏ياهبه وسـلام من ربنا
‏عاشقك أنا عاشقك أنا
‏
كلمات/ مسعد البحراوي