علاقات منهكه

كتبت  – اسماء السيد سامح

في علاقات في حياتك مضطر تتعلم فيها الصبر الجميل ..
والصبر مش سهل ومحتاج مجاهده وتركيز لوحده ..
فمش ناقص إنك كمان تحتفظ بعلاقات في حياتك مفهاش إضطرار لوجودها، وهي علاقات منهكه ومزعجه وبتستهلك منك وبس !
لمجرد إنك بتحط ناس في مكانه مش مكانتهم .. وتديهم وضع مش وضعهم .. وتعملهم حساب مش حسابهم .. وحاطط نفسك في قالب المفعول به دايماً مش الفاعل .. اللطيف الطيب إللي مبيخسرش حد !

مش كل حد ينفع يتعمله خاطر .. ومش كل عِشره يتعملها حساب !
في خاطر لما يتعمل في غير مكانه يتقلب ضدك .. وفي عِشره لو فضلت باقي عليها تمرضك ..

وفي علاقات علشان تتعامل فيها بالحسنى وبما يرضي الله بتطبق فيها الهجر الجميل ..
(وَاهْجُرْهُمْ هَجْرًا جَمِيلًا )

التركيز مهم في العلاقات ، وإنك تفلتر تبقى على مين ومتبقاش على مين .. والتشتت في إنك توزع من طاقتك و روحك ، ده إهدار و ظلم لنفسك ..
وفكرة إنك عايز ترضي كل إللي حواليك على حساب نفسك .. فكره مؤلمه ..

كل ده بيتظبط لما يبقى منهجك في التعاملات مع البشر، إني بطيع ربنا من خلالهم مش بطيعهم .. والفرق كبير !
ساعتها بتصبر علشان ربنا وبتهجر علشان ربنا .. ففي كل الحالات بتعرف تطمئن ..

(وَلَئِنْ أَطَعْتُم بَشَرًا مِّثْلَكُمْ إِنَّكُمْ إِذًا لَّخَاسِرُونَ