شكرا_فخامة_الرئيس

كتب –  عزت محروس

شكرا على التواضع وحبك للناس وجبر الخواطر ربنا يجبر بخاطرك.. صوره مبهج جدآ

على فكرة دي الصورة الحقيقية لمصر كلها…شعب_ورئيس
رئيس بيشتغل بجد وإخلاص وملهوش مصلحة غير إن تكون البلد أفضل بلد في الدنيا.

.. وشعب من حقه يعيش حياة_كريمة.. تليق بعظمته لأن شعب مصر أعظم شعوب الأرض واتحمل كتير قوي دونا عن شعوب الأرض

علشان كده قدر يوصل للصورة اللي حضرتك شايفها دي ويمشي وسط شعبه لأنه متأكد من صدقه وإتقانه للقول والفعل وده بينعكس علينا كلنا لما بنشوف الريس ماشي وسط أهله وأولاده واحفاده وبيتصور معاهم ويقعد ويأكل ويشرب معاهم بدون اي تكليف وبمنتهي التواضع…

على مدار السنين اللي فاتت اتصرف مليارات لتشويه صورة الراجل ده وإحداث وقيعة بينه وبين شعبه لكن الشعب المصري فاهم كويس جداً وعارف مين اللي بيشتغل بتفاني وإخلاص ومين اللي عاوز ياخد اللقطة وخلاص.

خلاصة القول إن ربنا كرمنا بإنسان مخلص وصادق ومش بتاع لف ودوران ولا بتاع اللقطة وشكرا… لأ ده بيشتغل وعاوز الناس كلها تحلم وتشتغل وتحقق كل اللي تتمناه.

لو حد شايف غير كده بصراحة دي تبقا مشكلته هو مش مشكلة بلد ولا رئيس… لأن كل إنسان طالما مش عاجز أو فيه حاجة تعطله قادر إنه يكون كما يريد أن يكون.

وأخيرا… اللي بيحصل ده وزي ما قال الرئيس في كذا مناسبة ما هو إلا بداية والقادم أجمل