بقلم الشاعر. احمد حمدي شمعه. مصر
بعد حزن سنين في عمرك
سايبه حضنه وراجعه ليك
راجعه بتقول ليك لوحدك
لسه قلبي ما هوش ناسيك
لسه راحتي جوه حضنك
لسه أفراحي في عينيك
لسه بجري عليك واضمك
لسه حضني. بيناديك
عشت طول عمرك بجرحك
شلت كل الحزن ليك
شفتها بفستان. وطرحه
زيطه. وإصحاب بتواسيك
بس لحظه حقيقي. جارحه
إيد بتدبح دبح فيك
لما تسكن حضن غيرك
لما تقتلها بإيديك
More Stories
هواجس
قصيدة “جيل الأبطال”بقلم الشاعر المبدع أستاذ/سالم أحمد
“امدد يديك” كلمات الشاعر الرائع/خالد الحسين حمص سوريا