محمد هنيدي يكشف عن تحضيره لمسلسله الجديد “أرض النفاق”

متابعة – فاطمة أنور

كشف محمد هنيدي، خلال حلقة أمس من برنامج هنيدي شو، عن كواليس التحضير لمسلسل أرض النفاق، وترشيح النجوم المشاركين في العمل.

وقال هنيدي : كنت متفائل بنجاح العمل، لأنه مأخوذ عن رواية للأديب يوسف السباعي وقدمه من قبل الفنان الكبير فؤاد المهندس، وكنت محطوط في اختبار كبير ومرعب، لكن لما دخلنا العمل الدنيا مشيت وربنا كرمنا، وتابع : لما كلمنا المنتج جمال العدل حسيت إن العمل مغري قوي لأن الفيلم كان فيه حبايتين بس، إنما إحنا كان عندنا قصص كتير، وكواليس التصوير كانت حلوة قوي.

وأضاف : سبب تقديم دور حسن الذي قدمه محمد ثروت هو أننا عندما كتبنا العمل لقينا مسعود بيعيش الدور لوحده، وقررنا نقدم معاه صديق اللي بيشاركه في كل المواقف وبيسانده في كل المشاكل والأزمات واللي بتواجهه، وثروته قدمه بشكل قوي وكان من أسباب نجاح العمل.

وعن دور محمود حافظ قال هنيدي : عندما رشحنا محمود حافظ للمشاركة في مسلسل أرض النفاق، كلمته وقلت له هتعمل الدور إزاي، وبعد تفكير طلبت منه أن يكون دوره فلاح.

وقال محمود حافظ : الكوميديا في دور زكريا كانت تظهر من اسمه في كل من حوله، وهو فلاح بتعامل بطبيعته مع كل الناس.