ربع كلمة

بقلم/أشرف رجب

لمّا تتحط تحت ضغط واغراءات هابقى أصدقك؛ ماتبقاش أصلع وتقول أنا عمري مابحب الرجالة اللي شعرهم طويل _لا _لما يبقى ليك شعر هابقى أصدقك؛ ماتبقاش شكلك يصعب علىٰ من ليس له قلب وتقول أنا عمري ماعملت علاقة مع واحده ست _لا _لمّا اشوفك مرة حالق دقنك وغاسل وشك هابقي اصدقك؛ لما تبقى كاتب في أرشيف وزارة الثقافة وتقول أنا عمري ماخدت رشوة ولا أطعمت أبنائي من حرام _لا_ لما تبقى موظف في إحدى المصالح هابقى اصدقك؛ لما تقول أنا أخر حاجة أفكر فيها الفلوس _لا _لما تبقي داخل مشروع أو فاتح سوبر ماركت هابقي اصدقك ..لما تقول اهم حاجة في البني أدم التواضع _لا _لما تكون في منصب هاصدقك…وماتلاقيش حد مصدع دماغك بالشعارات غير اللي مالوش لزمة ..ولما يحكيلك وفي وسط الكلام يقولك قمت قايل لفلان كلام جامد .مانت عارف طبعي ..يابني هو انا اعرفك أساسًا علشان أعرف طبعك؟!

وعجبي!!