الجهاز الهضمى مش مجرد دخول طعام وخروج فضلات فقط دة جهاز ذكى جدا

اللقاء الأسبوعى مع الأستاذ الدكتور هانى عوض الله استاذ الجهاز الهضمى جامعه دمياط

تقديم أحمد طحينه

بالحديث مع الدكتور هانى عوض بمدى اهميه مشوار الطعام فى الجهاز الهضمى تحدث قائلا
الجهاز الهضمي

بيتأثر بكل حاجة فى الإنسان ومشاعرة واحاسيسة وانفغالاتة واول عضو بيتأثر بأمراض اى عضو اخر فى الجسم.
طريقة ونوعية وأسلوب الأكل اللى بيدخل الجهاز الهضمى بيأثر علية جدا ومش كدة بس دة بيخلية يؤثر كمان على الأعضاء الأخرى فى الجسم ولو بحثنا عن منشأ معظم الأمراض حتى المناعية والنفسية هنلاقى كثير منها متعلق بالجهاز الهضمى.

علاج الجهاز الهضمى مش مجرد شوية أقراص او حقن وخلاص دة لازم يكون بروتوكول كامل لنظام حياة.

لما مريض المعدة والارتجاع يكون ملتزم بأكله وعلاجة ويفضل تعبان يبقى اكيد البروتوكولات العلاجية القديمة فيها غلط.

لما المريض يلف على دكاترة كثير ويأخذ أدوية كثير ويعمل مناظير وعمليات بدون استجابة يبقى اكيد البروتوكولات العلاجية القديمة فيها غلط.
لما المريض يأخد جرعات كبيرة من مضادات مضخة البروتون وأدوية تقليل الحموضة بأسماء مختلفة ويفضل عندة حموضة وتعب يبقى اكيد البروتوكولات العلاجية القديمة فيها غلط.

لما أعراض الارتجاع تزيد ويحصل مضاعفات وانت اصلا منتظم بالعلاج يبقى اكيد البروتوكولات العلاجية القديمة فيها غلط.

علشان كدة من فترة كبيرة غيرت فى طرق وبروتوكولات العلاج والحمد لله ناس كثير بتستجيب وناس كثير بتخف مع الطرق الجديدة.