إشــارات اللـــــــه.

كــــــــــتبت ـ إيناس يوسف

أؤمن جدًا بإشارات الله… بآيات اللـه
راضية الحمد لله بعطاءات الله… و مِنح اللــه

الحزن او البكاء ليس له علاقة بقوة إيمانك،
أو عدم إرضاءك بقضاء اللـه و العياذ باللـه

كل ما هنالك إن القلب جاب آخره

بيتعب و يحزن على نفسه من كتر خبطات الناس فيه
سواء قريب او غريب و ربي حتى عابر السبيل ليه يشارك في ظلم القلب الضعيف الذي لا يقوى و لا يستطيع أن يرد الإساءة بالإساءة او يثأر لأوتاره اللي إتقطعت من كتر الظلم

هو إنسان مش ملاك ماشي على الأرض في دنيا أغلبها اشرار
من حقه يعيط، و يحزن، و يجيب أخره… بس عادي فترة بتاخد وقتها و بتعدي زي اللي فات.

ـــــــــــــــــــ رسولنا الكريم حزن قلبه و بكت عيناه و كان يبتسم و هو شايل هم أمة كاملة بل البشرية كلها.
فهيجي إيه القلب الضعيف ده جمب الرسول الحبيب صلوات ربي و سلامه عليه”.

العبرة “إنك تخليك إنسان…تحاول ما تأذيش بني آدم و ربي و لا حيوان،و لا جماد و لا نبات…إعمل الخير حتى لو أذوك
إياك تحسد حد او تتمنى شر لمخلوق على وجه الارض
ساعد الناس على قد ما تقدر حتى لو اعدائك ساعدهم لوجه الله مش لحد عشان ميزان حسناتك يتملي بالحسنات بدل السيئات إحنا لما نموت هنتمنى نرجع الدنيا نعمل حسنة واحدة بس مش هينفع خلاص سينقطع العمل آنذاك🤍”

القلب السليم اللي بيراعي ربنا و بيتقيه عنده قوة إيمان و حسن ظن بالله قوية قويه جدا إنه مالك هذا الكون كله و هو الرزاق والملك الواحد الأحد العزيز الجبار

اللهم أبعد عنا ما يحزننا و دبر لي أمري فإني لا احسن التدبير
اللهم حبك و حب من يحبك و كل عمل يقربنا لحبك يارب
اللهم إنك عفو تحت العفو فإعف عنا
اللهم آتنا في الدنيا حسنة و في الآخرة حسنة و قنا عذاب النار
اللهم أمنياتنا، و احلامنا وما في قلوبنا، و رضاك و الجنة