متولي عمر . يكتب البلطجه مش رجوله

كتب متولي عمر

المحترمين كتير جداً لاكن بعض الشباب متهورين ومفكرين أن الرجوله والروشنه في إنك تكون شايل سلاح وماشي تستعرض بيه علي خلق الله يا شباب اللي حصل امبارح في احدي مناطق القاهره مش حادثة عابرة ده جرس إنذار لكل واحد بيحب وغاوي يشيل سلاح مش رجولة دا طريق ضلمة نهايته يا موت يا سجن اللي عمل الجريمة لازم يكون عبرة لكل واحد فاكر إنه يقدر يلعب على دم الناس أو يعيش على التحدي في الشارع

الحياة مش لعبه والرجوله مش في البلطجه ولا في ضرب الناس الرجوله أصل وشرف وأخلاق واللي فاكر غير كده هيتعلم بالطريقة الصح جريمة تهز الضمير إطلاق النار على طفل ووالده في مشهد مؤلم يعتصر القلوب طفلًا بريئًا ووالده في حادثة تُجسّد أقسى صور العنف وانعدام الرحمة فحين تمتد يد الغدر لتطال طفلاً لا ذنب له فإن الجريمة لا تكون مجرد اعتداء بل طعنة في قلب الإنسانية كلها.

الطفل الذي كان يفترض أن يعيش أمان طفولته وجد نفسه في مواجهة رصاص لا يفرق بين صغير وكبير إنها مأساة تكشف خطورة انتشار السلاح وغياب الوعي وتؤكد أن العنف لا يولد إلا عنفًاولا يخلّف إلا الألم والدموع إن مثل هذه الوقائع تستوجب تحركًا حاسمًا من الجهات المعنية لتطبيق القانون بكل قوة وردع كل من تسوّل له نفسه تهديد أمن المواطنين.

كما تفرض على المجتمع دورًا أكبر في نبذ ثقافة العنف وترسيخ قيم الرحمة والحوار فالطفولة أمانةوحياة الإنسان ليست ساحة لتصفية الحسابات سيبوا عنكم عن الأفلام اللي بتصور البلطجة بطولة سيبوا عنكم أي طريق يضيع حياتكم ويضيع أهلكم اللي يمشي في طريق الشرف والجدعنة والرجولة الحقيقية ده اللي هيكبر ويخلي أهله يرفعوا راسهم بيه واللي يمشي في طريق الشر والبلطجه نهايته باينه والدنيا ما ترحمش حد.عشان تحافظوا على حياتكم ومستقبلكم الرجولة مش ضرب وكسر الرجولة احترام أصل وقيم خليك راجل حقيقي في تصرفك قبل ما أي حد يفتكرك راجل

.نسأل الله الشفاء العاجل للطفل وأن يحفظ أبناءنا وأسرنا من كل سوء وأن يسود الأمن والسلام ربوع الوطن فكل الشكرلوزارة الداخلية متمثله في وحدة مباحث القناطر الخيريه وجميع معاونيه اللي ضبطت الجناة في ساعات قليلة وده دليل إن الأمن صاحي وواقف بالمرصاد لكل واحد يظن إنه يقدر يخرب حياة الناس.