16 يوليو، 2024

الشرق الأوسط نيوز

آخر الأخبار تعرفونها فقط وحصرياً على الشرق الأوسط نيوز موقع اخباري شامل يدور حول العالم

ابنة رياض الخولي تكشف عن سبب رفضها ذهاب أولادها للمسرح بـ مصر

 

كتب الإعلامي – عماد إبراهيم

قامت ابنة الفنان رياض الخولي، بالكشف عن كواليس حياة والدها الشخصية والفنية، ووصفته بأنه رجل عصامي، وأشارت بأنها لا تأتي إلى المسرح بأولادها في مصر بسبب الإيحاءات الجنسية والتنمر الموجود.

وأكدت ابنة الفنان رياض، خلال الندوة التي تُقام حالياً لوالدها بـ دار الأوبرا المصرية، موضحة:ـ “والدي علمنا منذ الصغر جملة بسيطة وهى اللي يذاكر ويجتهد ينجح، وكمان جملة تكلم حتى أراك، وحقيقي مكنتش فاهمة معنى الكلام ده وأنا صغيرة، ولكني لما كبرت فهمت وعرفت”.

وواصلت:ـ “وهو كان راجل عصامي وعمل نفسه بنفسه، وإتعلمت منه إني لازم أعمل الحاجة بإيدي علشان أحس بطعم النجاح، وبجد هو طول عمره بيشيل هم الناس اللي حواليه، وأنا بوجه رسالة للصحفيين والإعلاميين وبقولهم محدش يزعل من بابا عشان مش بيطلع ويتكلم.. ياريت تسيبوا أعماله تتكلم عنه”.

وكشفت ابنة رياض الخولي خلال الندوة، عن أنها ترفض الذهاب بأولادها للمسرح بـ مصر، مشيرة:ـ “مش بخلي ولادي يروحوا مسرح في مصر، وده بسبب التنمر والإيحاءات الحنسية اللي بتكون موجودة هناك”.

ومن جانبه، فقد أكد الفنان رياض الخولي خلال الندوة عن تعثره في بدايته الفنية، مُعلقاً:ـ “أنا واحد من الناس اللي إتعثرت في بداية حياتي، وبجد والدتي كانت بتدعي ليا خمس مرات كل يوم في كل صلاة، وحقيقي مستغرب من الناس اللي بتشتغل أكتر من شغلانة، ومش عارف بيجيبوا وقت لده من أين، وأنا بحترم ذاتي وبحترم الآخر، وعلشان كده بشتغل شغلانة واحدة بس”.