“وحشتيني ” بقلم الشاعر / علاء هشام

وحشتيني

بقلم الشاعر / علاء هشام

انا اسف
مانيش قادر اكون فترة ولاهقدر اكون حالة
ولا هستني اي كلام من الرقه اللي بتدفي
ومش هرسم ملامحك تاني علي كفي
وهسمح للقوليب ينسي اللي بينا قوام
ي اتفه فترة قضيتها ف حضن التوهة والاوهام
وخلتني اكون شخصين بيتناقدو
وعَزلِت كل شي محلو ف عيوني
سبتني وسابت الذكري تعيش دوني
وقتلت حبها الساكن خلايا الاورده الاولي
كانتلي زي حلم سخيف .. بيجمع كادر كان مقصوص
كانتي بطله ف القصة .. لكن جوايا مقتوله
فانا أسف
عن الحب اللي متلخص ف كام دمعه وكام لمعة ..
ف عين مليانه بالاحداث
ف شخص اتشاف بطل فيلمك
وبان مكسور قصاد الناس
ومتعكز بدون طيفك ف قلبه حالة ميئوسه
كأنه كان وحيد قبلك ومن بعدك صبح ضيفك
ومستنيكي تتنازلي عن الوعد اللي كان بينكم
عن الصوره اللي جمعتكم
عن الشات اللي كله قلوب
انا اسف لاني اتعبت ؛ ومش هقبل اكون معيوب
وهسرد كل اوجاعي ف هذا النص
ومش هقدر اعيش وحدة
ولاهسمح لاي مقص يقص القصة من الاول
بداية حبنا كانت بتحلي كل ما تطول
وتمسخ كل ما اتحول لشخص معدش بيحبك
مابينا وعود ، وبينا ورود ، وبنا قيود بتربطنا
وبينا حياة رسمناها
زرعت ف قلبك الطيبة وفجاة نسيتي معناها
وحولتي الحياة ل جحيم
انا اسف عشان قلبي معدش سليم
كويت الجرح بّ البعد اللي كسرني
كويت البعد ب الجرح اللي كان مكسور
طفيت النور لقيت طيفك صبح ضيي
لقيتك شمعه بتنور جحيم بُعدي
لقيتك بعدي بتعدي ع اللي اتساب
لقيتك ناب، بيهرس عضمي دون رحمة
اصابني الانهيار بالسُكر
كانك بكر ، وتايهة مني ف الزحمة
وانا كالعادة رافع راية التسليم
انا اسف لانك كنتي شي وهمي
وبتاسف لاني كنت شخص عقيم
مانيش مولود ولا هقدر اكونلك طيف
ولا هسمع كلام الحب من تاني
هعيش بعدك واحد تاني
بيكتم فرحته ب الشعر ويسبق حادث السلامات
هعيش فعلا بتفكيري، لكن هبقي من الاموات
هزور قلبي ولازم يفتكر شكلك
وقلبك ييجي علي قلبي ف ميزورنيش
هكابر تاني واكتبلك ب روح القلب متسبنيش
هعيش بيكي واناديكي هلف الكون واكون كونك
وّاكون كوني ف عنيكي
وهسمح للورود تدبل وهأمر عامل الصدمات
يقسمنا ف تيجي الاها تقسمنا
وترسمنا بلون الدم
وهرجع للعتاب جهرا واقولك ان انا المهتم
انا العاشق، انا اللي فضلت طول العمر !
بوهبلك حياتي الزاهده ف سنيني
انا اللي كتبت بدموعي “وحشتيني”
وبوحشني صحيح لو مره ملقتنيش
بكون درويش وبتدفي ف حضن الليل
بكون حرفوش ملوش ف الدنيا اي بديل سواكي انتي ..
انا اللي اتخفي قدام البشر تما
وقررت الظهور تاني قصاد بنتي
ف انا اسف
لاني مش هكون روميو ، ولا هقدر اضحي بشي سوي نفسي
سوي لمسي وتنهيدتي
سوي حبي وتعبيري
سوي الروح اللي نطقت “حب ”
وفجاة لقيت امان قلبك
شبعت من الوجع صرخه
ودوقت الاها من قربك

علاء هشام