“مقلوبه أوضاعنا” كلمات الشاعر/ هاني الحداد

مقلوبه أوضاعنا

كلمات هاني الحداد

مقلوبه أوضاعنا أفراحنا أوجاعنا
عايشين ولا عايشين ولا للحياه معنى
دنيتنا سارقانا من المر سقيانا
بالعند سايقانا ولا عايزه تسمعنا
دي ظالمه كل برئ وجارحه كل جرئ
برحها ليه بيضيق ومعاها ليه ضعنا

مخنوق وعزمي قل والصبر مني مل
أراضيها و اداديها ولا لاقي ليها حل
عارفها كارهانا تملي لاهيانا
لا عايزه تهوانا ولا حضنها سعنا
دي ظالمه كل برئ وجارحه كل جرئ
برحها ليه بيضيق ومعاها ليه ضعنا

موجوع صحيح وبئن وتعبت أنامن الظن
فايتانا ناسيانا ولا لينا قلبها حن
عارفها كارهانا تملي لاهيانا
لا عايزه تهوانا ولا حضنها سعنا
دي ظالمه كل برئ وجارحه كل جرئ
برحها ليه بيضيق ومعاها ليه ضعنا