كأي صعيدي يا خالة
بقلم /محمد السيد
كأي صعيدي ياخالة
مبنجبش إلا رجّالة
بناتنا فوق جريد النخل
مقامهم عالي مش عالة
نموِّن كل بيت نبنيه
وناكل من شقانا فيه
ولو كان عالي نرفع ليه
كفوف عُمّالنا سقَّالة
بنينا بلاد فـ شرق وغرب
واقرا يا واد تاريخ الحرب
تلاقي الراية مرفوعة
فـ عز النَّار وعزّ الضرب
لا وعقولنا شغَّالة
بنكتب شعرنا في أبنود
ودنقل من قنا مولود
كلامهم سيف يعدي حدود
مفيش من بعده قوَّالة
كأي صعيدي يا خالة
المزيد من القصص
قصة ملك والخروج بلا استأذن
قل لي أيها الأمل الجميل
معنى الحياة: رحلة التأمل والإنجاز