سالم أحمد يكتب ” ممنوعات “

“ممنوعات” شِعر عاميةْ

بقلم الشاعر / سالم أحمد

ممنـــــوعات ممنـوعات
صــوتي ملّ مـ السكات
واللي جي حقيقي باين
إنه أصعب مـ اللي فات

ممنـــوعات ممنـوعـات

بدلــــوها الـــدنيا فــينا
والبـــراءةْ حلـم مـات
والسنين بتفـوت علينا
شُفنا فيــها المُعجـزات

ممنــوعات ممنــوعات

للحبايب الــف رحـمـةْ
والصـداقـة والقــرايب
والضميـر كأنـه حــرف
بس عن إعرابه غـايب

ممنــوعات ممنــوعات

الوشـوش كدابة دايمًا
والخيـانة شــئ مـباح
والسعـادة فـينا تاهـت
باقي لينا سنين جراح