تمن ضحكه بقت فُرْجَه وضحكتها على روحها مراية حُبّنَا العامية فى حضن الليل بتتاخر لتلمحنى وتفضحني وفى الآخر تقوم نايمه على صورتى اللى وياها فى ليل غدار لا بيهدى ولا يودى لأى قرار فتدبل بسمة على عودها ووجع الظن ما يفوتها ويتسابق على موتها حنين القلب والأعذار وليه أحتار معاك قلبى؟ على ضعفى ودمع الدار واعيش العمر موجوعة وتشمت فيا شمس نهار لأنى غبت عن روحها بسوء ما اختار ولا كانت ولا بانت مداين قلب تحمينى ما ترمينى مع التيار أخبى الليل فى احشائى لشوقى م العطش ينهار واتوه بين الدموع أقرا شريط ممدود من الأصفار وأصلا فيه ما انا ناكرة على مركب هوى بكره عشقت اللون بلا فكرة وكان حظى ألملم م الوجع ألوان من اللى بالمحبة خان ومن روحى اللى ودتنى أدوق الهجر والحرمان فيتبخر قصاد عينى قناع الزيف بدون تحريف ويسألني أنا فينى وليه تايهه فى طريق قلبه بلا عنوان ولا صورة ومحفورة فى ذهن القلب من جوه واشوف إنسان ماهو ضحكة بقت غنوة وضحكتها على روحها مراية حُبّنَا العامية وسابتنى انا وقلبى فى وسط النار بلا أعذار أداوى الجرح والأحزان
More Stories
هواجس
قصيدة “جيل الأبطال”بقلم الشاعر المبدع أستاذ/سالم أحمد
“امدد يديك” كلمات الشاعر الرائع/خالد الحسين حمص سوريا