“بشوفك نور ” كلمات الشاعر / محمد السيد

بشوفك نور

كلمات الشاعر / محمد السيد

وبِحجابك بشوفك نور
كأنُّه تاج مِنِ البنُّور
بيحضن بالحلا شَعرك
فيملا العين هَنا وسرور
يا أجمل ما خلق ربِّي
تغِير مِنِّك بنات الحُور
تعالي فـِ قلبي واتخبي
هكونلك بيت وجنَّة وسور
خلوّ القلب بيربِّي
وقلبي كان بلا دستور
وحيد تايه بلا سِربي
وأرض الرُّوح صحاري بور
فجيتِ توَّردي دربي
يا شمس منوَّرلنا الدُّور

قصيدةُ| ﮼بشوفك،نور