شريف مدكور: اوعدكم كل حلقات شهر رمضان ده هتكون خاليه من اي اكلات استفزازية أو مكونات غاليه

متابعة – عماد إبراهيم

رغم الهجوم والتريقة اللى كان بيتعرض له الاعلامى شريف مدكور….لمجرد كونه…مذيع ناجح و مبهج وفقرات برنامجه متنوعة ودايما داعم للمراة وذوى القدرات الخاصة ….

الحقيقة يوم عن يوم باشوف فيه اعلامى محترم….ده غير كونه محارب ومقاتل فى رحلته مع مرض سرطان القولون…

شريف وهو بيعلن عن حلقات البرنامج الجديدة بتاعه فى رمضان….قال كلام حلو جدا …يدل على وعى وتواصل مع المجتمع وعدم انفصال عن ازماته ..

فى وقت بنلاقى كل القنوات فى رمضان بتكثف برامج الاكل اشكال والوان وباصناف وبخامات غالية فيها استفزاز لغالبية المواطنين الغير قادرين …

شريف قال اوعدكم كل حلقات البرنامج رمضان ده …حتكون خالية من اى اكلات استفزازية او مكونات غالية ….وحتكون اقتصادية وخفيفة على جيب المشاهدين …واغلب المكونات حتكون باسعار معقولة وبانواع ارخص من البروتينات…فى الاسماك مثلا حيستخدم السمك البلطى اكتر…وهكذا

وقال ان رمضان شهر الصوم والعبادات ومش شهر الاكل…وانه مش حيشجع الناس تعمل عزومات مكلفة…بالعكس حيقدم وجبات اقتصادية…ويساعد الناس ترشد الاستهلاك وتعمل اصناف حلوة بسعر اقل

وكمان قال انه رمضان السنة دى مصادف الصوم الكبير لاخواتنا المسيحين…فحيقدم اكلات صالحة لنا ولهم …

تحية لشريف …ولكل حد بيفكر يساعد الناس باى طريقة….ومش بيتاجر باوجاعهم
منقول من نها قمرة