تعذيب طفلة على يد والدها وزوجته ووالدتها تتخلى عنها بـ “الدقهلية” .

الدقهلية – فاطمة أنور

شهدت قرية المعصرة التابعة لمركز بلقاس في محافظة الدقهلية، جريمة بشعة تجرد فيه أب وزوجته من مشاعر الإنسانية وضرب نجلته وعذبها.

قالت الطفلة رودينا : «أبويا بيعذبني دايما طول النهار وبيفضل يضربني وبيحط مياه عليا في الحمام ، وجاب فوطة وحطها على وشي علشان يموتني، وكل شوية يضربني وكسر رجلي قبل كدا، وبيقولي إنزلي إشتغلي خدامة واصرفي عليا”.

وأضافت الطفلة باكية :” أنا نفسي أروح المدرسة وهو مش راضي، ولما رحت لماما قالتلي مش عايزاكي روحي لأبوكي، وكنت فاكراه هيبقى أب حنين عليا لكن كان بيأكلني عيش حاف، وزوجته حرقونى فى بطنى، وأبويا كان بيخلينى أمسح الشقة “.

وواصلت جدة الطفلة لوالدها :” ابني بيشرب مخدرات و بيضربني وبيضرب أبوه بالرغم أننا جوزناه وادينا له شقة، وبيضرب أبوه دايما علشان عايز فلوس منه، ودايما بيضرب بنته وكان هيموتها من الضرب، وأنا رحت وديتها المستشفى وعملت محضر فيه واتحبس إمبارح، وقبل كدا رحت لأمها قالتلي مش عايزاها بالرغم أنها خدت كل مستحقاتها لما اتطلقت من ابني وخدت 10 آلاف جنيه للبنت ومأخدتش بنتها واتجوزت وخلفت بنت تانيه ولما اتطلقت للمرة التانية من جوزها التاني أخدت بنتها التانيه تربيها وسابت رودينا ”