نهلة الديب تكتب “شد سهم”

شد سهم

بقلم/نهلة الديب

إدِّي ظهرك للي عَدَّى
وإنتباهك للي هَدَّى
وإهتمامك باللي حِلمه
يهْدٍي لك عُمْره .. وترضى

خاف من اللي بيك بيلعب
واللي عامل قلبه ملعب
واللي عارف إحتياجك
إمتى تفرح .. وإمتى تتعب

خلي بالك من حبيبك
أوعى تزهق من نصيبك
مهما ضاقت بيك ظروفك
ربنا لايمكن يسيبك

حِبْ وإفرح بالحياة
للفرح ألف إتجاه
شِدْ سهم بدون نهاية
للأمل وإمشي معاه

لو ظلام الدنيا لفَّكْ
نوَّر الدنيا بكفِّك
ضَوِّي من يأسك شموع
للحياة حارب لهدفك
……
#وعجبي
#نهلة_الديب