قصيده زجليه – ولد بصباص

بقلم الشاعر. احمد حمدي شمعه. مصر

بتعمل إيه ولد بصباص

بتدخل للبنات ع الخاص

وتفتح ليهم الكاميرا

وتتنطط كما النسناس

تقول لها بابي كان ظابط

ويطلع في الاساس رقاص

ومامي جولفيدار هانم

وأتاريها مدام عباس

وخالتو عميدة الجامعه

خبيره طبخة القلقاس

وعمو سفير في المانيا

ويطلع عضو ف أبو قرقاص

وبوتاجزنا شعال ذاتي

اتاري السر ف ابو كباس

وليه الكدب يا أبو لمعه

تزغلل عين بنات الناس

دي اي علاقه في الدنيا

أساسها الصدق والاخلاص