كتب محمد أنور
فى بداية حوارنا ممكن تعرفني بنفسك ؟
أنا كريم محمد عميرة واسمي الفني كريم عميرة
طالب جامعي
من مواليد مدينة بلقاس التابعة لمحافظه الدقهلية
عندي 18 سنة
متى بدأت مشوار التمثيل؟
البداية كانت في مسرح تجاري
أول ما دخلت المسرح، اشتركت في مسرحية مشرحة زينهم ، لأن كان عندي حلم وكانت بدايه كويسه وحسيت أن هي دي البداية اللي ممكن ابتدي بيها.
لماذا اخترت هذا النوع بالأخص من أنواع الفن؟
لأني بحب التمثيل جدا ودا حلمي ونفسي اكون ممثل مشهور فى مجال التمثيل وديماً عندي احساس اني مش حابب أكون مجرد ممثل عادي فـ طول الوقت عندي طموح ونفسي احقق نجاح كل ثانية سواء على مستوى شغلي أو على مستوى دراستي أو في الحياة نفسي افتح اكتر من مشروع فـ طول الوقت عندي طموح إني نفسي انجح نجاح مش عادي في وقت قصير وسن صغير ودايماً بصلي واقول يارب وأنا واثق فى ربنا وموهبتي واني هحقق كل دة قريب جداً ونفسي برضو اكون مصدر طاقة إيجابية لكل الناس والشباب في انا عندي احلام كتير جداً والأهم من كل دة اني احققها وان شاء الله هوصل لكل احلامي ف سن صغير.
عرفنا عن فن التمثيل المسرحي الذي بدأت به مشوارك الفني؟
استفدت من هذا الفن جدا واتعلمت حاجات كتير اوي تنفعني فيما هو قادم والمسرح وسيلة للي عاوز يوصل لسينما دا غير أن بتتعلم كتير اوي اوي من المسرح المسرح أبو الفنون، في بدايتي كان في عرض اسمو” مشرحة زينهم ” أول ماعرفت إنهم محتاجين شباب روحت وشاركت في العرض وعملنا نجاح كبير وكان عرض كويس جدا ومن هنا بدأ مشواري الفني.
ما هي الأعمال المسرحية الأكثر أهمية بالنسبة لـ كريم عميرة ؟
مسرحية شمس المعارف و مسرحية مشرحة زينهم عرضين رغب ومن أكثر الأعمال الأقرب لي.
من اكتر حد بيشجعك على التمثيل وهل عائلتك ليه دور في حياتك الفنية وهل في حد من عائلتك بها فنانين غيرك ؟
عائلتي بيها المخرج شكري عميره و المخرج وجدي عميره، و انا بصراحه اللي بشجع نفسي وبقول لنفسي قوم وقاوم هتعدي وهتوصل لحلمك متخليش حاجه توقفك عن مشوارك كمل الطريق بكرا تبقى فنان كبير ومحدش قدك كل دا انا اللي بقول لنفسي محدش بيقول ولا حد يشجعني.
كريم عميرة لـ بوابة الشرق نيوز : بتمنى أعمل فيلم سينمائي مصري بطولتي واحصل على جوائز كبيرة
مين من نجوم الفن تعتبره قدوة لك ؟
مع إحترامي لكل نجوم مصر والعالم كله بس “أنا قدوتي أنا” بعد 10 سنين أو قدام شوية ودايماً نفسي أعمل مدرسة تمثيل لوحدي مش اقلد حد ويكون لي أسلوبي الخاص ف التمثيل مش زي حد.. وغير كل ده نفسي أوصل للعالمية و إنشاء الله احققه فى المستقبل ، فـ قدوتي في التمثيل والفن هو كريم عميرة في المستقبل.
اين يجد كريم عميرة نفسه.. في الأعمال المسرحية هل الدرامية، أو الكوميدية، أو الرعب؟
أنا بعشق الرعب جدًا وبلاقي نفسي فيه جدًا ومن العروض الناجحة والجديدة و في نفس الوقت بحب جدًا الدراما .
أي عمل مسرحي أقرب إلى قلبك مما قدمت؟
دور الدكتور رأفت في مسرحية “شمس المعارف” ودور منصور في مسرحية “مشرحة زينهم” لأنهم عكس شخصيتي تماما .
أي شخصية تاريخية أو فنية يتمنى كريم أن يجسدها؟
شخصية “صلاح الدين الأيوبي” لأنها مليئه بالتفاصيل، وأتمنى تجسيد أي شخصية تاريخية لأن الأدوار التاريخية ممتعة.
More Stories
برعاية الدكتور مينا يوحنا.. اجتماع موسع لمنظمة الضمير العالمي لحقوق الإنسان بكفر الشيخ لتعزيز الوعي المجتمعي والمشاركة الوطنية
إتحاد “شباب العمال” يشكل غرفة عمليات مركزية وتواصل أعمالها على مدار الساعة لمتابعة سير العملية الانتخابية
كلمات بلا أفعال لن تحقق العدالة المناخية .. تحذير رسمي من الدكتور مينا يوحنا