حلا شيحة المترددة دائما تهاجم الفنانين وخاصة تامر حسني والاخير يرد عليها

كتب  _ حمادة علاء الدين

في فجر اليوم خرجت الفنانة / حلا شيحة عبر حسابها الشخصي علي الانستجرام تهاجم الفنان / تامر حسني وتهاجم الفن والفنانين

حيث قالت موجهة حديثها الي الفنان / تامر حسني :
ازاي تنزل كليب فيه مشاهد بتحضني فيها في ايام مباركة زي دي من شهر ذي الحجة؟
ازاي تخلف وعدك لي بعدم عرض واذاعة مثل هذه المشاهد؟
الفيلم عمل ايرادات ونجح بمقاييس الدنيا، بس لم ينجح بمقاييس الاخره.
الكليب ميرضيش ربنا وانا عيطت وانا بتفرج عليه.
المشاهد الرومانسية في الفيلم كانت زلة وصورتها تحت تأثير ظروف معينة كنت بعاني منها وقتها.
انا تبت من المشاهد دي واستغفرت ربنا واتمنى يكون راضي عني.
استغفر ربنا يا تامر وتوب عن اللي انت فيه وافتكر لما قولت انا عايز اموت وانا مش مطرب.
انت جواك صراع بين الاستمرار والاعتزال، المهم تصلح غلطك ومتستمرش فيه.
وفي نهاية رسالتها وجهت كلامها الي اصدقائها من الفنانين قائلة :
انتم جواكم خير بس فتنة الشهرة عميا عينيكم.
الفن اللي يخلينا نبعد عن منهج ربنا ومنبقاش قدوة لأودلانا (باطل).

وجاء رد تامر حسني قائلا :
للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك ، فا أنا مضطر أرد هنا برضو
….أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده ، و بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا ، و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!! و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!! أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره انا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين

واتت ردود افعال اصدقائها بالوسط الفني مهاجمة لها :
حيث علق المنتج محمد العدل قائلا : اللي عملتيه شيفاه حرام هتصرفي فلوس حرام ؟ رجعي الفلوس .

وعلقت الفنانة / الهام شاهين قائلة : لو مش بتحبي الفن اعتزلي في هدوء لا داعي للتجريح فالفن لا ينتظر النصيحة .

وقال المخرج / ماندو العدل معلقا : ياريت لما تطلقي يا استاذة حلا ماتجيش تقولي شغلوني

ويذكر ان الفنانة حلا شيحة كانت تمتهن الفن لفترة وتزوجت بعد ذلك واعتزلت الفن وارتدت الحجاب ، ثم طلقت وخلعت الحجاب وعادت للفن مرة اخري ، ثم تزوجت قريبا من الداعية / المعز مسعود ثم اعتزلت وتحجبت

ويعرض لها الان في السينمات فيلم ” مش انا ” مع الفنان تامر حسني