في اجتماع دعم الأونروا: مصر قالتها بصوت عالي… الاعتراف بدولة فلسطين مش كلمتين يتقالوا في الأمم المتحدة والسلام، لأ… لازم يبقى واقع على الأرض: دولة كاملة السيادة على حدود 67 والقدس الشرقية عاصمة. واللي يفكر يقزّم دور الأونروا يبقى بيمسح القضية كلها، ودا مش هيعدي.
مع وزير خارجية الهند، أستراليا، الأردن… نفس الرسالة: لا للتهجير، لا للتصفية، لا للضحك عالقضية. السيسي قافش والوزير بينفّذ: الفلسطيني يفضل على أرضه، غصب عن عين إسرائيل واللي وراها.
في لقاءاته مع لبنان وصربيا وجنوب أفريقيا وغيرهم: دعم صريح لاستقرار أشقائنا، ورفض قاطع للانتهاكات الإسرائيلية سواء في غزة أو لبنان. مصر واقفة كالسد في وش العدوان.
في مجموعة العشرين: الراجل فضح إسرائيل وقالها: اللي بيحصل في غزة والضفة خرق صريح للقانون الدولي… والمنظومة الأممية كلها على المحك.
الخلاصة: وزير خارجيتك بيقولها في كل مكان… مصر مش بس بتتضامن بكلام، دي بتشتغل وتتحرك وتفضح وتضغط. وموقفنا ثابت زي جبل مش بيتزحزح: • فلسطين مش هتتهجّر. • قضيتها مش هتتصفّى. • والدولة الفلسطينية على حدود 67 هي الحل الوحيد.
إيه رأيك يا إسرائيل؟ مصر في نيويورك من أول النهارده عاملة لك كابوس في الاجتماعات كلها… واللي جاي أشد واقوي
More Stories
الدكتور : مينا يوحنا، السلام هو واجبنا الأول
هذه رؤيتي الخاصة
هل تحذو مصر حذو امريكا و تطرد السوريين ، آن ترحيلهم قبل تحويل الرحاب و دمياط الي سويداء