مواطن يستغيث في مداخلة على الهواء في أحد البرامج……..مراتي بتضربني وبتهزقني وواخده كل فلوسي

متابعة – عماد إبراهيم

بكى مواطن يدعى “أحمد” من محافظة القليوبية، علي الهواء؛ بسبب تعرضه للتنمر والضرب على يد زوجته الذي تزوجها منذ 20 عامًا.

وقال باكيًا خلال مداخلة هاتفية بأحد البرامج : “أنا متجوز بقى لي 20 سنة ومراتي بتهزقني وبتشتمني وبتضربني وبتمد إيدها عليَّ رغم إني كنت في السعودية وبرسل لها كل اللي هي عايزاه، وعمري ما عملت حاجة غلط معاها”.

وتابع: “مراتي بتفضل تضرب فيَّ بالبنيات ومش عارف أعمل معاها إيه، أنتحر يعني ولا أعمل إيه؟ أنا عندي 55 سنة ولما جيت من السعودية بشتغل أي حاجة، ونزلت مصر بعد جائحة كورونا، وخلصت كل فلوسي على مراتي وهي تصرف براحتها، ودلوقتِ بتمد إيديها عليَّ وأنا مش عارف أعمل معاها إيه”.

ولفت: “معايا ولد في الجيش وطالب في الثانوية العامة، وبنت عمرها سنتين، ومحدش من ولادي بيوقف زوجتي عند حدها، وأولادي كمان بيمدوا إيدهم عليَّ، وأنا مش عارف أعمل إيه في أمهم أنا راجل ضعيف ومليش لا أخ ولا حد يقف معايا”.

مواطن يستغيث في مداخلة على الهواء في أحد البرامج……..مراتي بتضربني وبتهزقني وواخده كل فلوسي

متابعة – عماد إبراهيم

بكى مواطن يدعى “أحمد” من محافظة القليوبية، علي الهواء؛ بسبب تعرضه للتنمر والضرب على يد زوجته الذي تزوجها منذ 20 عامًا.

وقال باكيًا خلال مداخلة هاتفية بأحد البرامج : “أنا متجوز بقى لي 20 سنة ومراتي بتهزقني وبتشتمني وبتضربني وبتمد إيدها عليَّ رغم إني كنت في السعودية وبرسل لها كل اللي هي عايزاه، وعمري ما عملت حاجة غلط معاها”.

وتابع: “مراتي بتفضل تضرب فيَّ بالبنيات ومش عارف أعمل معاها إيه، أنتحر يعني ولا أعمل إيه؟ أنا عندي 55 سنة ولما جيت من السعودية بشتغل أي حاجة، ونزلت مصر بعد جائحة كورونا، وخلصت كل فلوسي على مراتي وهي تصرف براحتها، ودلوقتِ بتمد إيديها عليَّ وأنا مش عارف أعمل معاها إيه”.

ولفت: “معايا ولد في الجيش وطالب في الثانوية العامة، وبنت عمرها سنتين، ومحدش من ولادي بيوقف زوجتي عند حدها، وأولادي كمان بيمدوا إيدهم عليَّ، وأنا مش عارف أعمل إيه في أمهم أنا راجل ضعيف ومليش لا أخ ولا حد يقف معايا”