ذكرياتي معاك وجوع

بقلم:أحمد اللبودي

أصعب إحساس في الحياة
إنك تكون فاكر إن ليك مكان كبير
جوه قلوب ناس حبيتهم بصدق
وعشت سنين تبني فيهم ذكرياتك..
وفجأة الأيام تكشفلك الحقيقة
إنك كنت بس محطة في طريقهم
عدّوا عليها وقت ما احتاجوا
وسابوك لما شبعوا من وجودك.
الغريب إن الجوع مش بس جوع أكل
في جوع إحساس
وجوع اهتمام
وجوع كلمة حلوة تطبطب على القلب.
أنا جعت لكل حاجة فيهم
لضحكة كانت بتقويني
لكلمة كانت بتهون عليّ الدنيا
ولحضن كان بيقول إنك مش لوحدك.
لكن في الآخر
فضلت أنا وذكرياتي
ووجع ساكن في القلب
يسألني كل يوم:
هو أنا كنت قليل للدرجة دي؟